Viðmið fyrir vel starfandi Rauða kross deild

  • Vel starfandi deild fylgir grundvallarmarkmiðum alþjóðahreyfingar Rauða krossins og Rauða hálfmánans og vinnur eftir leiðarljósi, lögum og stefnu Rauða krossins á Íslandi.
  • Vel starfandi deild er sýnileg á starfssvæði sínu, hefur hentuga aðstöðu fyrir starfsemina og viðheldur góðri ímynd hreyfingarinnar
  • Vel starfandi deild hefur virka stjórnarmenn, dreifir ábyrgð með skýrri verkaskiptingu og heldur reglulega fundi á föstum fundartíma.
  • Vel starfandi deild gerir fjárhags- og framkvæmdaáætlanir og velur verkefni sín af ábyrgð í samræmi við stefnu félagsins og á grundvelli rannsókna.
  • Vel starfandi deild laðar til sín nýja félaga og sjálfboðaliða úr öllu þjóðfélaginu, gerir sjálfboðaliðasamninga og kemur upplýsingum í nafnaskrá Rauðar krossins.
  • Vel starfandi deild tryggir sjálfboðaliðum aðgengi að reglulegri þjálfun og fræðslu og umbunar þeim fyrir vel unnin störf.
  • Vel starfandi deild leggur áherslu á gott samstarf við aðrar deildir, stofnanir og félagasamtök og tekur virkan þátt í starfsemi landsfélagsins.
  • Vel starfandi deild skapar ungu fólki starfsgrundvöll innan félagsins.
  • Vel starfandi deild tryggir skjót og vönduð vinnubrögð við neyð innanlands og erlendis.
  • Vel starfandi deild vinnur að því að rjúfa einangrun fólks og er málsvari þeirra sem búa við þrengingar og mótlæti hverju sinni.