Tombólur - leiðbeiningar vegna söfnunar

BÖRN STYRKJA BÖRN. Stuðningur tombólubarna er ákaflega mikils virði og fara peningar sem þannig safnast til að styrkja hjálparstarf fyrir börn. 

Félagið er afar þakklátt þessum ungu sjálfboðaliðum fyrir dugnaðinn en ár hvert standa fjölmörg börn á Íslandi fyrir slíkum söfnunum. 

Á degi sjálfboðaliðans, 5. desember er tombólubörnum, sem skráð eru í skráningarkerfi Rauða krossins,  sent viðurkenningarskjal og þakkarbréf þar sem fram kemur hvernig þeim peningum sem tombólubörn ársins hafa safnað er varið. Auk þess geta deildir veitt tombólubörnum smá umbun (t.d. efni merkt Rauða krossinum). 

Verklag við afgreiðslu tombólubarna

  1. Taka á móti tombólubörnum. Takið niður nöfn þeirra, kennitölu, upphæð, taka mynd, hvar og hvernig safnað. ATH. takið láréttar myndir (landscape). 
  2. Taka niður símanúmer foreldra allra barnanna til að afla samþykkis fyrir skráningu og myndbirtingu.
  3. Hringja í foreldra og tilkynna þeim eftirfarandi:„Vegna nýrra persónuverndarlaga er nauðsynlegt að fá samþykki frá foreldrum áður en við skráum börn hjá okkur. Við þurfum líka að fá samþykki foreldra fyrir því að birta myndir af börnunum  t.d. í Morgunblaðinu,  bæjarblaðinu, á heimasíðu Rauða krossins og Facebook síðu deildarinnar. Jafnframt þurfum við leyfi til að skrá kennitölur þeirra í skráningarkerfi Rauða krossins og senda þeim þakkarbréf í lok árs. Foreldrar þurfa því að gefa okkur upp netfang sem við getum sent tölvupóst á með þessum upplýsingum og fengið staðfestingu senda til baka sem samþykkir þetta.“
  4. Senda tölvupóst til foreldris með stöðluðum texta vegna tombólubarna (sjá texta hér að neðan).
  5.  Þegar svör hafa borist frá foreldrum allra barnanna skulu tölvupóstsamskiptin skráð í CoreData á heimasvæðið „tombólubörn“.
    ATH. í þeim deildum sem ekki eru starfsmenn þurfa formenn að áframsenda tölvupóst á svæðisfulltrúa (senda frá redcross netfangi) sem vistar samþykkið í CoreData. 
  6. Þegar samþykki liggur fyrir þá fyrst er heimilt að skrá nafn og kennitölu barns í Salesforce, undir verkefnið tombólubörn og viðeigandi ár, senda upplýsingar og mynd í Morgunblaðið  á dagbok@mbl.is og í bæjarblöð þar sem við á og til upplýsingafulltrúa Rauða krossins.
    ATH. svæðisfulltrúar og starfsmenn sem hafa aðgang að skráningarkerfinu skrá börnin í verkefnið Tombólubörn (ártal). Deildir sem ekki hafa starfsmenn senda þessar upplýsingar til svæðisfulltrúa.
  7. Leggja fjárhæð inn á reikning; 342 - 26 - 555 kt. 5302692649 merkja Tombóla og senda tilkynningu á afgreidsla@redcross.is frá banka. 

Það sem kemur almennt fram á heimasíðum, samfélagsmiðlum, í bæjarblöðum og í Morgunblaðinu:

  • Mynd, lárétt (landscape). 
  • Fullt nafn barns/barna.
  • Hvernig peningum var safnað (tombóla, flöskusöfnun, annað)?
  • Hvar var safnað? (við verslun, hvaða, gengið í hús, annað)?

Staðlaður texti í tölvupósti til foreldra til samþykktar:

Kæra foreldri.

Vegna nýrra persónuverndarlaga er nauðsynlegt að afla samþykkis foreldra áður en unnið er með persónuupplýsingar barna. Því óskum við eftir því að fá samþykki allra foreldra fyrir því að birta mynd tombólubarna í Morgunblaðinu eða í bæjarblöðum, skrá nöfn þeirra og kennitölur í skrá Rauða krossins og senda þeim þakkarbréf í lok árs. Við óskum eftir því að fá samþykki þitt fyrir framangreindri vinnslu svo hægt sé að birta mynd af barni þínu í Morgunblaðinu/bæjarblaði og á heimasíðu Rauða krossins.

Hægt er að veita samþykki með því að svara þessum tölvupósti og skrifa samþykki.

Þá vill Rauði krossinn upplýsa þig um að hægt er að afturkalla samþykki, óska eftir að því að sjá hvaða upplýsingar eru skráðar um barn þitt hjá Rauða krossinum, óska eftir að upplýsingar séu leiðréttar eða að þeim sé eytt. Skal það gert með því að senda erindi þess efnis á central@redcross.is.

Ef einhverjar spurningar vakna er hægt að hafa samband við central@redcross.is