Leiðbeiningar um skráningu sjálfboðaliða

Sjálfboðaliðasamningur á íslensku (uppfærður september 2018)

Sjálfboðaliðasamningur á ensku  (uppfærður október 2020)

Sjálfboðaliðasamningur á spænsku (uppfærður janúar 2020)

Sjálfboðaliðasamningur á pólsku (uppfærður í nóvember 2020)

 Gerast félagi - eyðublað 

Verklýsing sjálfboðaliða Rauða krossins - eyðublað

Eftirfarandi leiðbeiningar eiga við um deildir þar sem ekki er starfsmaður sem hefur aðgang að skráningarkerfi Rauða krossins. 

1. Áður en sjálfboðaliði hefur störf skal gera við hann sjálfboðaliðasamning. Í sjálfboðaliðasamningi kemur m.a. fram;

  • Sjálfboðaliðar skuldabinda sig til að vinna eftir grundvallarhugsjónum stefnu og siðareglum Rauða krossins
  • Þagnarheit
  • Rauði krossinn slysatryggir sjálfboðaliða í starfi fyrir Rauða krossinn
  • Sjálfboðaliðar samþykkja að unnið sé með persónuupplýsingar í tölvukerfi Rauða krossins í tengslum við störf þeirra fyrir félagið

 Athugið að deild getur skapað sér skaðabótaskyldu ef sjálfboðaliði slasast við sjálfboðaliðastörf og í ljós kemur að hann hefur ekki undirritað sjálfboðaliðasamning.

Deildin geymir undirritaða samninginn hjá sér en sendir upplýsingar á landsskrifstofu til að skrá rafrænt.

2. Um leið og sjálfboðaliði hefur undirritað samning þarf að taka af honum afrit (skönnun, mynd) og senda með tölvupósti á [email protected] og starfsmaður skráir í sjálfboðaliðaskráningarkerfið Salesforce. Þegar samningur er skráður fær sjálfboðaliðinn tölvupóst þar sem hann er boðinn velkominn og nokkrar upplýsingar um Rauða krossinn frá formanni félagsins. Einnig fær hann sent skírteini í hálsbandi og upplýsingarit  í pósti.

 3. Þegar sjálfboðaliði hættir störfum þarf að senda tölvupóst á sama netfang. 

 4. Mikilvægt er að skráning sjálfboðaliða sé rétt þannig að skírteini og bréf fari einungis til þeirra sem starfa með félaginu. Hafið samband við sjálfboðaliðamiðstöð sjalfbodalið[email protected] eða í síma 570 4017 sem getur sent upplýsingar um virka sjálfboðaliða úr sjálfboðaliðaskránni sem hægt er að yfirfara, ásamt öðrum upplýsingum er varða sjálfboðaliðastörf. 

Ítarlegar upplýsingar um sjálfboðaliðastjórnun má finna hér