Leiðbeinendanámskeið í skyndihjálp 2011

27.6.2011

Ágæti formaður, svæðisfulltrúi, starfsmaður Rauða kross deildar

Rauði kross Íslands stendur fyrir leiðbeinendanámskeiði í skyndihjálp dagana 26. september til 1. október 2011. Námskeiðið nær yfir sex heila daga og verður haldið á höfuðborgarsvæðinu.

Á námskeiðinu verður aðal áhersla lögð á að þjálfa þátttakendur í að kenna skyndihjálp. Þeir sem sækja námskeiðið þurfa því að hafa góða skyndihjálparþekkingu til að byggja á auk menntunar á heilbrigði - eða kennslusviði.

Umsóknareyðublöð má nálagst á heimasíðunni raudikrossinn.is undir liðnum „Á DÖFINNI”. Tekið verður við umsóknum til 26. ágúst 2011 og þeim svarað fyrir 31. ágúst.

Nánari upplýsingar um námskeiðið má nálgast í síma 570-4000 eftir 12. ágúst.

Námskeiðsgjald er 120.000 krónur, kennslugögn innifalin.

Athugið að fjöldi þátttakenda verður takmarkaður og við val á þeim er einkum horft til menntunar, reynslu og búsetu.

Ég læt auglýsingu fyrir námskeiðið og umsóknareyðublað fylgja með í viðhengi.

Auglýsing

Umsóknareyðublað